பிரதமர் மோடியை ஏமாற்றி 11 ஆயிரம் பேர் போலி வங்கி கணக்கு மூலம் கோடிக்கணக்கில் மோசடி

மதுரையில் கிசான் திட்டத்தில் கீழ் 11 ஆயிரம் பேர் போலி வங்கி கணக்கு மூலம் மோசடி

Sep 07, 2020 09:39:19 PMமதுரை மாவட்டத்தில் 11 ஆயிரம் பேர், போலி வங்கி கணக்கு மூலம் கிசான் திட்ட நிதியுதவி பெற்றுள்ளதாக ஆட்சியர் தெரிவித்துள்ளார்.

நிகழ்ச்சி ஒன்றில் விருதுநகர் எம்.பி மாணிக்கம் தாகூர் எழுப்பி கேள்விக்கு பதிலளித்த ஆட்சியர் டி.ஜி.வினய், 6 ஆயிரம் பேரின் வங்கி கணக்கில் இருந்து நிதியுதவியாக பெறப்பட்ட 7 லட்சத்து 20 ஆயிரம் ரூபாய் பணம் திரும்ப எடுக்கப்பட்டு இருப்பதாக அவர் குறிப்பிட்டார்.

முறைகேடு குறித்து விசாரிக்க உயர் அதிகாரிகள் கொண்ட குழு அமைக்கப்பட்டுள்ளதாகவும், 3 நாட்களுக்குள் முழுமையான விசாரணை நடத்தப்பட்டு பணம் திரும்ப பெறப்படும் என்றும் அவர் உறுதிபட தெரிவித்தார்.

மதுரை மாவட்டத்தில் நடப்பு ஆண்டில் 16 ஆயிரத்து 474 பேர் பிரதமரின் கிசான் திட்டத்தில் பதிவு செய்துள்ளனர் என்றும் ஆட்சியர் தெரிவித்தார்.